Un home tivo que ser evacuado a un centro hospitalario este domingo con síntomas de intoxicación por inhalación de fume e algunhas queimaduras producidas durante un incendio no seu domicilio na rúa Río Sil, en Lugo.
O 112 Galicia tivo coñecemento desta incidencia ás 09,30 horas, a través da chamada dun particular residente no mesmo edificio no que se produciu o incendio.
Con estes datos, o Centro Integrado de Atención ás Emerxencias de Galicia (CIAE-11) deu aviso aos Bombeiros de Lugo e á Policía Local, que unha vez no punto confirmaron que ardera un forno e unha encimeira.
Pola súa banda, os profesionais de Urxencias Sanitarias de Galicia-061 atenderon ao ferido e trasladárono ao hospital con algunhas queimaduras producidas por salpicaduras de aceite. Ademais, tamén estaba afectado por inhalación de fume.
