A Garda Civil detivo a unha veciña de Lugo de 22 anos de idade como presunta autora dun delito de tráfico de drogas por pretender introducir haxix nunha visita autorizada a un recluso nun cárcere.

Así o informou o Instituto Armado, que sinalou que esta persoa detida supostamente pretendía introducir sustancias estupefacientes nunha visita autorizada a un recluso en centro penal.

Nun rexistro localizóuselle á moza unha sustancia que, polas súas “características organolépticas, matizan as mesmas fontes, puidese tratarse de haxix, cun peso aproximado de 15 gramos. As dilixencias policiais foron remitidas ao Xulgado de Instrución número 2 de Lugo.