A sección segunda da Audiencia Provincial de Lugo condenou a tres anos de cárcere e ao pago dunha multa de 4.367 euros a un home que vendía sustancias estupefacientes no seu domicilio.
Segundo a sentenza difundida polo Tribunal Superior de Xustiza de Galicia (TSXG), en xuño de 2020 o acusado forneceu drogas a tres persoas, polo que o xulgado autorizou, uns días despois, a entrada e rexistro da súa vivenda.
Nela interveuse droga, sustancias habitualmente utilizadas para o seu corte e efectos que utilizaba para a súa actividade delituosa, así como 1.790 euros en efectivo.
O valor no mercado ilícito da sustancia aprehendida polos axentes ascende, segundo o fallo, a 4.367 euros. O tribunal asegura que, aínda que o acusado era consumidor esporádico de drogas, esa condición non afectou na comisión dos feitos polos que foi condenado.
