Axentes da Garda Civil detiveron a un veciño da Fonsagrada, de 33 anos de idade, como presunto autor dun delito de lesións graves, tras agredir a outra persoa cunha aixada. Segundo informaron fontes do Instituto Armado, a vítima presentaba lesións importantes producidas polo golpe dunha aixada na cabeza, con feridas tamén no ollo esquerdo.
Tras unha primeira valoración na PAC da localidade, a vítima foi trasladada ao Hospital Lucus Augusti debido á magnitude das lesións. Mentres, o detido foi posto a disposición xudicial. Por outra banda, a Garda Civil tamén informou doutra agresión, pola que se investiga a un veciño de Begonte de 40 anos de idade.
Os feitos ocorreron o pasado domingo, cando o suposto agresor iniciou a marcha do seu vehículo coa porta do condutor aberta, golpeando á vítima e producíndolle lesións en pernas e costas. As dilixencias practicas xa foron postas a disposición xudicial, xunto á persoa investigada.
