Axentes da Policía Local detectaron en Lugo, na zona da Rolda da Muralla, a un total de 15 condutores que superaban o límite máximo de velocidade establecido, mentres que na Rolda da Carmen confeccionáronse cinco denuncias polo mesmo motivo durante a tarde do xoves.
Durante a noite do mesmo día, realizáronse as probas de alcoholemia ao condutor dun turismo, cun resultado de 1.21 e 1.19 miligramos por litro, polo que se iniciaron dilixencias por un presunto delito contra a seguridade viaria.
Ese mesmo día, axentes da Policía de Barrio acudiron en axuda dunha muller de 92 anos que se caeu no seu domicilio e que non podía levantarse, ao parecer desde a noite anterior. Así mesmo, axentes trasladáronse á rúa Tui onde unha muller de 83 anos trataba de que o seu marido, de 92 anos e que sofre brotes psicóticos, deixase de tirar obxectos pola xanela. Ao tirarse ao chan, fíxose unhas pequenas feridas que a muller lle curou. Posteriormente, foi trasladado a un centro sanitario.
FALTA DE PAGAMENTO NUN LOCAL
Noutra orde de cousas, axentes municipais trasladáronse a un restaurante da rúa Montero Ríos, onde había un cliente que consumira comida e bebida e dicía que non tiña diñeiro para pagar. O home estaba indocumentado e incautóuselle un trade novo, do que non soubo explicar a súa orixe.
Ademais, na rúa Mar Cantábrico, inspeccionouse un local de hostalaría e efectuáronse as correspondentes denuncias por non presentar o título habilitante para realizar a actividade.
