CaixaBank elixiu ás 14 gañadoras territoriais da quinta edición dos Premios Muller Empresaria CaixaBank, que cada ano recoñecen o talento e a excelencia profesional de empresarias en España e que escolleu á lucense Carmen Lence.
Os galardóns teñen como obxectivo dar maior visibilidade a empresarias líderes e fomentar a súa participación en redes internacionais na que poidan interactuar e compartir experiencias, informou a entidade bancaria nun comunicado este martes.
As elixidas son Begoña Romeu Fita (Transfrutalla), Pilar Martínez-Cosentino (Grupo Cosentino), Carmen Sampol Massanet (Grupo Sampol), Elisabeth Stamp (Medichem), María Vitoria López Fuentes (Grupo Fedola), Ana Isabel Rebollo Díaz (Grupo Rebollo) e Mar Casas Priet (Transleyca).
Tamén foron seleccionadas Alba Carre Colls (Transports Calsina Carre), Araceli Císcar García (Dacsa Group), Ainhoa Zabala Versteeg (Zabala innovation consulting), Luisa Berenguer Muñoz (Farmalider), Elisa Gil Vilches (Grupo Gil), Lida Graza Gómez (Himoinsa) e Carmen Lence (Lence (Grupo Leite Río)).
As 14 gañadoras territoriais entran a partir de agora a formar parte da Comunidad Mujer Empresaria CaixaBank en Linkedin, que reúne ás empresarias premiadas en todas as edicións dos Premios Muller Empresaria CaixaBank. Ademais, poranse en contacto con outras redes de mulleres empresarias a nivel nacional e internacional como Iwec, International Women’s Forum, Vital Voices ou EIXO&CON.
TRANSPORTE, AUTOMOCIÓN E ALIMENTACIÓN
Nesta nova edición constatouse o crecente peso da presenza de directivas españolas no sector do transporte e a automoción, así como no da alimentación. Aínda que as directivas galardoadas desta edición representan a múltiples sectores da economía, destaca polo seu peso o da automoción e o transporte, con catro gañadoras do total.
Séguenlles o sector da alimentación, con tres representantes, e o da enxeñaría e construción, con tres máis.
