Investigadores da Policía Nacional de Lugo detectaron diversos delitos de estafa que afectaron a veciños da cidade mediante hackeos a teléfonos móbiles ou o intento de aluguer fraudulento dunha vivenda vacacional, ambas as realizadas a través das redes.

No primeiro deles, o sospeitoso serviuse do hackeo ao teléfono móbil da victima para enviar unha mensaxe aos contactos solicitando diñeiro, alegando que se atopaba nunha mala situación. Por mor da estafa, logrou o ingreso de ata 1.600 euros nunha entidade bancaria estranxeira.

O autor, un veciño de Alcoy de 58 anos, foi identificado e todo iso púxose en coñecemento das autoridades alacantinas para proceder á súa detención e posta a disposición xudicial. A segunda investigación iniciouse tras unha denuncia por aluguer fraudulento dunha vivenda vacacional situada no municipio de Sanxenxo.

A sospeitosa alugou unha vivenda que non é da súa propiedade servíndose de fotografías obtidas en Internet, ofrecéndoa por un valor de 1.150 euros. A victima abonou dita cantidade en tres pagos e, tras recibir a documentación que supostamente lle daba dereito ao uso do inmoble, presentouse no lugar coa intención de gozar das súas vacacións, momento no que descubriu a estafa.

Os investigadores constataron ademais que había máis estafas co mesmo modus operandi. Por todo iso imputouse a unha muller duns 28 anos, veciña de Lalín, con antecedentes por estafa na venda de animais, e informouse ás autoridades correspondentes.