A Policía Local de Lugo tramitou 15 denuncias na noite do luns a este martes por incumprimento das medidas para frear a Covid-19, cinco delas por consumir alcol na vía pública e dez por reunións de non convivientes de madrugada.
Segundo informou a Policía Local, durante a noite realizou 15 denuncias, cinco polo consumo de alcol na vía pública e dez por agrupacións de persoas non convivientes entre a 1,00 e as 6,00 horas.
Ademais, durante a tarde deste pasado luns, axentes da Policía de Barrio tiveron que intervir na piscina municipal, onde dúas persoas, maiores de idade, non facían uso da máscara “en ningún momento” e negábanse ” a seguir as indicacións tanto do persoal de socorrismo como do vixiante de seguridade”, engaden as mesmas fontes.
Por iso, os axentes realizaron senllas denuncias por infracción á Lei de Saúde de Galicia, por non facer uso da máscara a pesar de estar obrigados a iso.
