O vicepresidente económico da Xunta, Francisco Conde, asistiu en Xermade aos actos de celebración polo 20 aniversario do parque eólico experimental Sotavento.
Respecto diso, agradeceu á entidade o compromiso durante dúas décadas, ao contribuír ao desenvolvemento das enerxías renovables en Galicia a través do I+D+i, a sensibilización e a pedagoxía.
Definíndoo como un proxecto “pioneiro”, Conde púxoo de exemplo de como as administracións públicas poden impulsar iniciativas “de vangarda” a través das enerxías limpas. Neste sentido, apuntou a Sotavento como “escaparate” de avances tecnolóxicos a través de iniciativas como a vivenda bioclimática instalada no recinto.
