O Servizo de Prevención da Deputación de Lugo avanzou que realizará un cribado ás persoas que o pasado martes estiveron en contacto co cineasta Óliver Laxe, positivo en Covid-19, con motivo dun acto.

En concreto, están citadas oito persoas para o vindeiro luns para a realización das probas, que se formulan “para extremar as precaucións” e aplicando o seu protocolo de actuación que complementa o do Sergas.

Así mesmo, aprazaranse as Xornadas de Silvopastoreo e Desenvolvemento Rural “O que non arde” e a VI Reunión de Primavera, previstas en Navia de Suarna entre o 25 e o 27 de xuño, á espera de que se comuniquen os resultados das probas aos contactos directos.