Axentes do Grupo Operativo Nocturno da Policía Local de Lugo tramitaron 15 actas denuncia por incumprimento da limitación de permanencia de grupos de persoas en espazos públicos e privados durante o pasado fin de semana.
Segundo informou a Policía Local, estas denuncias tramitáronse durante os dispositivos establecidos para o control do cumprimento da normativa Covid por infracción á Lei de Saúde de Galicia.
A Policía Local lembra que desde o pasado 9 de maio, data na que concluíu o estado de alarma, entre a 1,00 e as 6,00 horas a permanencia de grupos de persoas en espazos de uso público, tanto pechados como abertos ou ao aire libre, están limitados aos constituídos exclusivamente por persoas convivientes.
