InicioSucesosDetidos dous homes por ameazarse mutuamente con armas brancas tras unha pelexa...

Detidos dous homes por ameazarse mutuamente con armas brancas tras unha pelexa nun bar

A liorta tivo lugar nas proximidades dunha comisaría.

PUBLICADA O

- Advertisement -

Axentes da Policía Nacional adscritos á Comisaría Provincial de Lugo detiveron na noite do luns a dous homes novos, veciños da cidade, por senllos delitos de ameazas tras ameazarse mutuamente con armas brancas tras unha pelexa nun bar.

Segundo informou a Policía Nacional, os feitos desenvolvéronse desde o interior dun local de lecer da rúa Camiño Real á rúa Chantada. Supostamente un dos homes no bar dirixiuse ao outro, tras unha conversación coa parella deste, “e sen mediar palabra tentou cravarlle un coitelo, tirándoo ao chan, momento no que o resto dos presentes conseguen que o deixe e este pode marcharse do lugar”.

A continuación o agredido saíu “correndo detrás do agresor cunhas tesoiras na man, momento en que o perseguido atópase cuns coñecidos e relátalles o sucedido”, indicaron as mesmas fontes, co que se dirixen a dependencias policiais a presentar denuncia.

Unha vez na intersección da rolda da Muralla coa rúa German Alonso, apareceu o segundo home coas tesoiras e ameazou aos outros. “Debido á proximidade ás dependencias policiais, os funcionarios en servizo decátanse da situación e proceden a intervir, contendo ás partes”, destacou a Policía.

Unha vez separados os contendentes, procedeuse a aclarar a situación e tomar diversas declaracións das testemuñas, que levaron á detención dos dous homes por ameazas con arma branca mutuamente.

A Policía Nacional destacou que a tesoira utilizada por un dos agresores foi localizada debaixo dun turismo. De todo iso deuse conta ao xulgado de garda, onde serán postos a disposición xudicial ao longo deste martes.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...