O titular da Deputación de Lugo, José Tomei, e o presidente da Federación de Asociacións de Veciños, Jesús Vázquez, subscribiron este xoves un convenio de colaboración polo que o goberno provincial destinará 40.000 euros a esta entidade.
No acto de firma, Vázquez agradeceu a “xenerosidade” da deputación que, segundo indicou, permitirá a contratación dos dous traballadores que se encargan habitualmente de “cubrir toda a documentación administrativa” das distintas asociacións de veciños da provincia, que suman case 300 ou o que é o mesmo “tantas asociacións” como en Galicia, presumía o presidente do movemento veciñal.
Así mesmo, sinalou que o diñeiro tamén se destinará ás distintas campañas que patrocina a federación, como o ‘Día da árbore’ ou o ‘Día do Veciño’, así como a accións reivindicativas como pedir que Lugo conte con “autoridade portuaria”. Pola súa banda, o presidente provincial, José Tomé, apelou á importancia do movemento veciñal ao que describiu como un “alicerce fundamental da democracia, en canto ao que é a participación cidadá”.
