A Dirección Xeral de Saúde Pública da Consellería de Sanidade informou este venres de que o número de diagnósticos por coronavirus na provincia de Lugo se elevou ata os 46 casos. Son, polo tanto, dez positivos máis ca os detectados ata onte. Ademais, produciuse o primeiro falecemento por Covid-19 nesta provincia: un chantadés de 89 anos que xa sufría complexas patoloxías previas.

Deses 46 positivos, son dez os que están ingresados: sete pacientes en planta e tres na UCI.

No ámbito galego, os casos ascenden ata os 567, o que supón un incremento do 30% respecto dos rexistrados onte (444). Podes ler a información completa no Galicia Confidencial.