“Chega o Día das Letras Galegas e montaranse, coma sempre, as correspondentes aparencias de celebración. Prebostes de todo pelo asistirán (pola mañá) a un acto conmemorativo dun escritor que, o máis deles, non leron nin lerán. E acabouse, que é día festivo e os festivos, xa se sabe, son para a familia, o descanso e a praia, se está día. Ah, esquecíame, algúns xornais traerán a primeira plana en galego, non se vaia dicir…”. É o último texto que un dos grandes narradores de literatura infantil en galego deixaba escrito no seu blogue.
O escritor Xabier P. Docampo morreu este madrugada logo dunha loita titánica cun tumor cerebral que padecía desde hai dous anos. Morreu na súa casa da Coruña logo de que o seu estado de saúde empeorara, o que obrigou a súa hospitalización o día de San Xoán. Os seus restos foron trasladados ao tanatorio das Xubias, fronte ao Complexo Hospitalario Universitario da Coruña.
Nado en Rábade o 5 de abril de 1946, Docampo foi mestre, escritor, contacontos, actor de teatro, guionista e promotor da lingua e a cultura galega, ademais de animador á lectura e experto en bibliotecas escolares. Considerábase chairego, pois chairegos eran seus pais: a nai de Castro de Ribeiras de Lea, onde medrou o xove Xabier, e o pai de Xermar, en Cospeito.
Traballou como mestre en varios colexios e durante oito anos en Preescolar na Casa. Sempre relacionado cos movementos de renovación pedagóxica, pertenceu ao Consello de Redacción da Revista Galega de Educación e formou ao profesorado durante a introducción da lingua no ensino. Foi tamén actor e director de teatro, e colaborou durante sete anos en Radio Nacional de España en Galicia coma guionista e director de programas de diverso tipo e formato.
Docampo foi un dos grandes renovadores da literatura infantil e xuvenil galega, compartindo viaxe co lucense Paco Martín, Agustín Fernández Paz ou María Victoria Moreno. En 1995 obtivo o Premio Nacional de literatura infantil e xuvenil por Cando petan na porta pola noite, seleccionada así mesmo como unha das cen mellores obras do século XX español, segundo a Fundación Germán Sánchez Ruipérez. Ademais, participou na creación e posteriormente na dirección da Asociación Galega do Libro Infantil e Xuvenil, e mereceu a Letra E na Asociación de Escritoras en Lingua Galega (AELG) en 2014.
Este prolífico autor tivo unha intensa actividade editorial dende a década dos oitenta, que rematou o pasado 2017 coa publicación de A nena do abrigo de astracán.
Non sei se hoxe chove para que Xabier P. Docampo siga facéndonos soñar, onde queira que estea agora. O que si sei é que perdemos un home único. Fica con nós o teu recordo.
— Ledicia Costas (@LediciaCostas) June 26, 2018
Inmensa dor polo pasamento do mestre Xabier DoCampo, diamante moral da dignidade, que fixo da súa vida viaxe e relato compartido. Con todos os abrazos para as súas persoas amadas #XabierPDocampo #XabierMestre @aelg @Xerais @EditorasGalegas @prolinguagalegahttps://t.co/zG7gA95XE4 pic.twitter.com/A6Xm3DKE2C
— Manuel Bragado (@bretemas) June 26, 2018
“E cando lle chegou a hora soñando estaba
un país onde chovían bolboretas
pra que se fixese a luz. E a luz foi feita.” (A.Cunqueiro)A asociación en defensa da lingua ProLingua comunícavos con inmensa tristura a morte do noso irmán Xabier P. Docampo. Querémoste mestre! pic.twitter.com/LlCA71ioqh
— ProLingua (@prolinguagalega) June 26, 2018
Tiña 12 anos cando me regalaron 'O misterio das Badaladas'. Acabeino xusto a tempo de comezar 'A chave das noces'. Dende entón, acudín relixiosamente á cita coa sua obra. Gracias pola compaña todos estes anos, Xabier P. Docampo. https://t.co/jmmrOOGHQ0
— Marta Gesto Lagüela (@MartaGesto) June 26, 2018
Fóisenos para a outra beira o amigo Xabier P. Docampo, mais, como el deixou dito: "Non se extinguirá a luz/ nos ollos/ dos que esperan./ Non se esgotará a forza/ nos brazos dos que loitan". Estarás connosco sempre, na luz dos nosos ollos, nos brazos que nos impulsan. pic.twitter.com/dw16YXw7d9
— Armando Requeixo (@armandorequeixo) June 26, 2018
Un grande amigo co que fundei Prolingua. Grande persoa comprometida co noso país e a nosa cultura. Moito temos que agradecerlle.
— Rafa Cuiña (@Rafiklalin) June 26, 2018
Morreu o escritor galego Xabier P. DoCampo. Sempre estivo aí cando lle pedimos algo (incluso foi socio da agrupación algún tempo, como forma de apoio). Hai uns meses prestouse a presentar o filme O PLANETA SALVAXE de René Laloux no Fórum Metropolitano. pic.twitter.com/aTMblZYaEp
— Agrupación Ío (@agrupacionio) June 26, 2018
Faleceu Xabier P. DoCampo. O cadro de persoal de Xerais quere expresar as súas condolencias pola perda. Botaremos en falta a súa amizade, a súa conversa, as súas apertas e a súa xenerosidade; quédanos a grandeza da súa obra, que nos acompañará sempre.https://t.co/wnR9UqVXud
— Xerais (@Xerais) June 26, 2018
Compartimos a dor polo pasamento de Xabier P. DoCampo, socio e amigo, un novo inmortal noso que tantas historias e leccións nos deixou.https://t.co/vfhrO81QUH pic.twitter.com/gMbANbwlc1
— GÁLIX (@GALIX_) June 26, 2018
Grazas, Xabier!! Ata sempre!!! 🙁https://t.co/juu1VLBj1C
— Alfonso Hermida (@alfhermida) June 26, 2018
Morreu @XPDoCampo
Que persoa ten marabillosa marcha. Intelixente, cálido, divertido.
Entre bágoas quero lembralo cos risos que botamos un día nun tanatorio: Está morrendo xente que nunca morrera.
Adeus, irmán Xabier. Marcha un dos mellores veciños da Gaiteira— ghanito, pai e señoro 🛰 (@ghanito) June 26, 2018
Morreu Xabier P. Docampo (@XPDoCampo).
Eu coñecino fóra dos libros, coñecino loitando coa @CIGEnsino.#GrazasMestre https://t.co/3kW9Dh89fB pic.twitter.com/QXXv6x7Pp0— Diego Boquete (@Onosolar) June 26, 2018
Fomos ficando sós
o Mar o barco e mais nós. pic.twitter.com/0ArrrLOjEk— marcos calveiro (@calveiro) June 26, 2018
