- Advertisement -
O concello lucense de Navia de Suarna espera recibir este domingo, 23 de febreiro, a visita dunhas 2.000 persoas con motivo da XXX Festa da Androlla.
Durante esta celebración poranse á venda máis de 1.000 quilos deste produto. “Todos os anos se superan as cifras de vendas”, salienta o alcalde de Navia, José Fernández.
O programa de actividades comezará ás 10:00 horas cuns pasarrúas. Ás 10:30 dará inicio a festa coa apertura dos expositores.O peche da xornada será ás 18:00 da man dun grupo de gaitas.
A Deputación de Lugo colabora con esta festa de exaltación da androlla cunha achega de 3.000 euros.
