A Policía Nacional detivo un mozo de 19 anos en Lugo como autor dun delito de violencia doméstica por maltratar a súa nai.
Segundo fontes policiais, un veciño viu desde o seu domicilio como un home golpeaba unha muller e esta caía ao chan. Puxo estes feitos en coñecemento da Comisaría Provincial, polo que os efectivos de Radiopatrullas puideron desprazarse rapidamente ao lugar.
Unha vez alí, constataron que a muller fora agredida polo seu fillo. A vítima presentaba diversas lesións na cara que confirmaban o episodio de violencia que ela mesma declarou.
Así pois, procedeuse á detención do fillo da agredida, que xa contaba con antecedentes. O rapaz foi trasladado a dependencias policias para a realización do correspondente atestado e posterior paso á autoridade xudicial.
