InicioPolíticaA Deputación de Lugo esixe á Xunta a implantación dun equipo de...

A Deputación de Lugo esixe á Xunta a implantación dun equipo de cirurxía robótica ‘Da Vinci’ no HULA

PUBLICADA O

- Advertisement -

O pleno da Deputación de Lugo acordou reclamar á Xunta a implantación da cirurxía robotizada ‘Da Vinci’ no Hospital Universitario Lucus Augusti (HULA) para mellorar a calidade asistencial na sanidade pública.

A proposta, promovida polo grupo provincial socialista, contou co apoio maioritario da corporación e ten como obxectivo “pór a Lugo á vangarda das técnicas sanitarias”.

Segundo explicou a institución provincial, o dispositivo xa opera con éxito en diferentes hospitais privados de Galicia e reduce os tempos de recuperación dos pacientes porque aplica unha cirurxía menos invasora.

“O HULA é un hospital de referencia e como tal ten que ter unha tecnoloxía punteira. O que non é normal é que en Galicia haxa dous hospitais privados, na Coruña e Vigo, que conten con estes medios e que na sanidade pública non teñamos ningún“, censurou o presidente provincial, José Tomé.

O titular da institución considerou que é unha cuestión de “vontade política” que a Xunta de Galicia queira ter un aparello deste tipo, “co que se mellora moitísimo a calidade da sanidade”.

Na sesión, o pleno tamén aprobou outra iniciativa do PSdeG para esixir á Administración autonómica que prorrogue as axudas do Plan de Desenvolvemento Rural ás explotacións gandeiras en tanto non entre en vigor a nova Política Agraria Común (PAC).

Ademais, o pleno deu luz verde a unha proposta do goberno provincial para instar á Xunta a retirar o anteproxecto de Lei para a creación da sociedade para a xestión do ciclo integral da auga, coñecida como a ‘Sogama da auga’; e pediuse ao Goberno galego o incremento do Fondo de Cooperación Local ata o 5% da recadación tributaria galega.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...