A edil de Cultura, Turismo e Promoción da Lingua, Maite Ferreiro, agasallou cun libro sobre a historia de Lugo á ministra de Turismo, Reyes Maroto, co gallo da súa visita deste mércores ao Concello de Lugo. Na súa carta, Maite Ferreiro desculpa a súa ausencia á recepción “por ser comunicada con tan só tres horas de antelación”.

Maite Ferreiro anunciou que dende o Concello de Lugo “proximamente” se trasladarán propostas ao ministerio de Turismo, “entendendo o apoio que dende o goberno do Estado se quere ofrecer a esta cidade” para que “Lugo reciba o tratamento que merece nesta materia”.

O libro agasallado pola edil nacionalista, Lvcvs Avgvsti, a cidade romano-xermánica do finisterre ibérico. Xénese e evolución histórica (14 a. C. – 711 d. C.), foi escrito polo catedrático en arqueoloxía Antonio Rodríguez Colmenero e editado polo Concello de Lugo en colaboración co Ministerio de Cultura no ano 2011 co gallo do décimo aniversario da inscrición da Muralla como Patrimonio Mundial da UNESCO.

Redacción

+ postsBio ⮌

• Redacción

  Fernández reclama a renovación da rede de abastecemento en Paradai
• Redacción

  Candia fai chegar á subdelegada do Goberno prioridades en seguridade, mobilidade e infraestruturas
• Redacción

  O Concello de Lugo pide axilidade á Deputación na renovación da avenida Adolfo Suárez
• Redacción

  González Abelleira cualifica o “plan de choque” de Candia para o SAF como “unha fraude política”