A muller que se perdeu mentres facía o Camiño de Santiago ao seu paso polo municipio de Pedrafita do Cebreiro (Lugo) foi localizada “en perfecto estado”.
Así o confirmaron a Europa Press fontes da Garda Civil, que explicaron que foron axentes deste corpo os que localizaron á peregrina “minutos despois” do aviso.
O 112 recibiu o aviso pasadas as 13,00 horas deste mércores por parte de persoal de Castela e León, que indicou que unha persoa de fala italiana desviouse ao desorientarse mentres percorría o tramo comprendido entre Vilafranca do Bierzo e O Cebreiro.
Ela mesma chamou ao centro de emerxencias para alertar da súa situación e por parte do 112 Galicia informouse á Garda Civil, que, ao mesmo tempo, comunicou que recibiran a alerta dun grupo de peregrinos italianos que aseguraban perder a unha compañeira.
O 112 Galicia puido contactar coa peregrina, que descoñecía o lugar onde se achaba e asegurou que non podía avanzar no camiño porque tiña as pernas doloridas, pero que non necesitaba asistencia sanitaria.
Por iso, ademais de axentes do Instituto Armado, membros do GES de Becerreá e efectivos de Protección Civil da Fonsagrada e de Sarria, colabroron para localizar a esta persoa, que foi achada “en perfecto estado” por gardas civís “ao pouco tempo” da alerta.
