Axentes da Policía Local de Lugo identificaron tres menores por bañarse na fonte dos Ranchos ao tratarse dunha actividade prohibida na normativa municipal.

Segundo informou a Policía Local, a patrulla lembroulle aos menores que bañarse na fonte está prohibido polas ordenanzas municipais, “tanto polos danos que se poidan causar aos elementos ornamentais como polas lesións que puidesen sufrir as persoas que se introduzan nas fontes públicas”. Respecto diso, a Policía Local lembra que nas fontes públicas poden atoparse en ocasións “elementos punzantes ou cortantes e, algunha delas, atópase dotada de sistemas eléctricos, co consecuente risco”.

Os menores identificados “saíron de inmediato da fonte e ausentáronse cara aos seus respectivos domicilios”.