InicioMedioambiente e PatrimonioAnimalistas din que os accidentes con xabaríns en estradas duplicáronse en 2018...

Animalistas din que os accidentes con xabaríns en estradas duplicáronse en 2018 en tempada de caza

O maior número de accidentes deuse na N-640 entre Rozas e A Fervedoira, onde se produciron un total de 25 sinistros, 20 deles en tempada de caza e 5 fora dela.

PUBLICADA O

- Advertisement -

A Plataforma de asociacións ecoloxistas, conservacionistas e animalistas, Con-ética, chamou a atención sobre o incremento dos accidentes de tráfico ocasionados por xabaríns durante a tempada de caza.

Segundo un estudo realizado en 2018 nas estradas do Concello de Lugo, nos meses sen caza, a media de accidentes con xabaríns foi de 6,57 por mes, pasando a unha media de 14,6 accidentes nos meses nos que se permite a práctica cinexética.

A portavoz de Con-ética, Verónica Crecente, explicou que a análise descarta que o número de accidentes teña relación co aumento da poboación deste animal. Isto é así “porque o maior número de sinistros dáse en decembro, momento no que debería ser previsible que a poboación de xabaríns reduciuse pola caza”, avisa a portavoz, que considera que este dato descarta que a caza teña “eficacia algunha” como medida de prevención de accidentes.

“Todo isto atribuímolo á caza, xa que xera moita tensión nos animais, ademais de ocasionar desprazamentos incontrolados, porque os xabaríns irrompen nas estradas provocando os accidentes”, indica.

Conforme aos datos do estudo, o maior número de accidentes deuse na N-640 entre Rozas e A Fervedoira, onde se produciron un total de 25 sinistros, 20 deles en tempada de caza e 5 fora dela. Outra cifra “preocupante” para a plataforma é que “a segunda vía con maior número de accidentes foi a A-6, onde as medidas de prevención de acceso de fauna deberían estar aseguradas”.

CRÍTICAS Á XUNTA

Neste contexto, a plataforma censurou que a Xunta, en lugar de aplicar medidas de prevención de accidentes, decida “aumentar a tempada de caza e o número de batidas“. Isto podería “agravar máis o problema incrementando os accidentes”, advirte Con-ética.

Finalmente, a portavoz urxe á Administración autonómica que aplique as medidas de prevención reais –recollidas no Plan de Seguridade Viaria de Galicia 2016/2020— “que garantan a seguridade dos condutores” con “pasos de fauna, vías de escape ou peches reforzados”. Ademais, reclama que desenvolva estudos científicos sólidos que permitan ter unha visión precisa da poboación de xabaríns.

ÚLTIMAS

Libros sobre Luísa Villalta para colexios e institutos da provincia

A Vicepresidencia da Deputación de Lugo fará chegar material da autora homenaxeada este ano...

Cando as costureiras e modistas fan a historia do país

A Sala de Exposicións do Pazo de San Marcos acolle a mostra “Corcosendo. A...

“Boa noticia para Lugo”, o TSXG confirma que o Concello de Lugo non ten que indemnizar ao promotor do Garañón

O Tribunal Superior de Xustiza de Galicia (TSXG) confirmou o fallo do Xulgado do...

Acepta ano e medio de prisión por insultar, acosar e ameazar a unha parella homosexual da cidade

Un home acusado de insultar, acosar, amedrentar e ameazar de morte a unha parella...