A Policía Nacional informou da detención o pasado luns en Lugo dun home de 34 anos que tiña en vigor unha orde xudicial de detención e ingreso en prisión por un roubo con forza.

Segundo informou o corpo, os axentes deron o alto na madrugada do luns, no marco dun operativo, a un turismo no que viaxaban cinco persoas. Na identificación dos viaxeiros, todos eles con antecedentes policiais, atopábase un home cunha orde de detención e ingreso en prisión en vigor.

Ademais, no rexistro do vehículo intervíuselles unha palanqueta, varios pares de luvas, gorros de la, bragas polares e outros útiles usados na comisión de roubos.