O PSOE lanzou un emotivo vídeo no marco da campaña Orgullos@s de ser de Lugo no que presume dos recursos naturais únicos da provincia. Un vídeo que apela aos sentimentos e no que se anima a veciños e veciñas a compartir en imaxes ou vídeos os motivos do orgullo de ser de Lugo.

Nesta peza audiovisual recóllense algúns dos motivos polos que sentirse orgullos@ da provincia como “o noso patrimonio, as nosas fragas, o noso mar, a nosa natureza, os nosos cantís, a nosa historia, os nosos ríos, os nosos viños, o noso rural ou a costa”. Recolle, ademais, imaxes de todos os recunchos de Lugo, desde o canón do Sil, ata a Mariña, pasando polos Ancares e o Courel, a Terra Cha ou a Ulloa.

As persoas interesadas poderán participar pensando nun motivo, nun lugar, nun detalle, nun elemento ou sentimento que esperte o orgullo de ser lucense e publicalo a través dun vídeo, unha foto ou un texto na súa conta de Facebook ou Instagram co hahstag #OrgullososdeSerdeLugo. O contido ten que ser público para que poida ser visible e saír nas redes sociais da web. Hai dispoñible máis información e un vídeo tutorial de como participar en www.orgullososdeserdelugo.gal