Axentes da Policía Nacional detiveron na noite do domingo a tres persoas, unha parella de irmáns xunto a unha amiga, por tentativa de roubo con forza tras ser sorprendidos cando trataban de roubar nun comercio de calzado de Lugo.

Segundo informou a Policía Nacional, o aviso dunha veciña sobre unhas persoas que tentaban fracturar o escaparate dunha zapatería, xunto coa “rápida intervención policial, desbaratou o propósito de roubo”, ao ser sorprendidos mentres se escondían nun garaxe enfronte do local.

Estes tres individuos, un home e dúas mulleres –dúas delas irmáns e unha amiga–, de 19, 20 e 35 anos de idade, como non puideron entrar, comezaron a golpear e fracturar unha das lúas do escaparate cunha machada. Para disimular, cando vían achegarse xente, escondíanse no oco de entrada a un garaxe, destaca a Policía.

O tres contan con antecedentes penais. En concreto, destaca a Policía, a muller de 35 anos de idade foi detida ata en 17 ocasións. O pase a disposición xudicial está previsto para este luns.

A intervención levouna a cabo un equipo de Radio Patrullas e un equipo do Grupo Operativo de Resposta (GOR) da Brigada Provincial de Seguridade Cidadá.