Estabilizado o incendio de Vilapedre (Vilalba), con 33 hectáreas queimadas

O lume afecta a monte raso na parroquia de Vilapedre, zona que xa ardeu o verán de 2017, e foi estabilizado ás 17.10 horas segundo informacións de Medio Rural

No incendio de Vilapedre (Vilalba) traballan nove brigadas apoiadas por seis motobombas | Xunta de Galicia
No incendio xa estabilizado de Vilapedre (Vilalba) traballan nove brigadas apoiadas por seis motobombas | Xunta de Galicia

O incendio na parroquia de Vilapedre, en Vilalba, resultou estabilizado ás 17.10 horas deste martes. En total, afecta a 33 hectáreas de monte raso. Nestes intres non hai lumes activos en Galicia.

A información da Consellería de Medio Rural trascendeu ás 12.00 horas deste martes, cando xa arderan máis de 20 hectáreas, aínda que foi declarado dúas horas antes. Esta zona xa resultou afectada por un lume en agosto de 2017.

Polo de agora, as lapas afectan a monte raso do termo municipal de Vilalba. No lugar de Vilapedre traballan en labores de cerco e extinción do incendio nove brigadas con seis motobombas e unha pa, catro axentes e un técnico.

DEIXAR UN COMENTARIO

Please enter your comment!
Please enter your name here