InicioMedioambiente e PatrimonioComeza o 4.º Congreso Internacional de Arqueoloxía de Vilalba

Comeza o 4.º Congreso Internacional de Arqueoloxía de Vilalba

Medio cento de profesionais e expertos da arqueoloxía reúnense ata o sábado na cabeceira da comarca chairega, nun evento único no noroeste peninsular

PUBLICADA O

- Advertisement -

Dende este mércores, o Museo Arqueolóxico de Vilalba alberga unha conferencia única no noroeste peninsular. Medio cento de profesionais e investigadores congregaranse no 4.º Congreso Internacional de Arqueoloxía de Vilalba, que se extenderá ata o sábado 21 de xullo. O foro servirá para presentar e analizar as máis recentes investigacións dos participantes.

O evento foi presentado polo deputado de Turismo, Eduardo Vidal Baamonde, e mailo director do centro museístico, Eduardo Ramil Rego. A organización corresponde á Asociación de Amigos do Museo de Vilalba e ao propio Museo de Prehistoria e Arqueoloxía. A Deputación é a principal administración colaboradora, cunha achega de 2.000 euros.

Este Congreso Internacional, que contará con 50 asistentes, comeza este mércores 18 e durará ata o 21 de xullo. Na cita, vínculo fundamental para a comunicación entre os expertos do eido, defenderanse máis de 30 ponencias.

As xornadas inclúen “análises matemáticas desenvolvidas para a contextualización dos bifaces do xacemento máis antigo de Galicia, en Louselas (Ribadeo), ou a confusión entre petróglifos e trazas xeolóxicas, e estudios de materiais e estruturas arquitectónicas de diferentes períodos”, precisou Vidal Baamonde.

Amais de colaborar con esta xuntanza, a única de carácter científico acerca desta temática no noroeste da Península Ibérica, o enviado da Deputación lembrou que a institución provincial “colabora activamente en diversas actuacións arqueolóxicas que nos permite por en valor a riqueza patrimonial, histórica e cultural coa que contamos na provincia de Lugo”.

Así, entre outros proxectos, o goberno provincial colabora actualmente na promoción das Covas do Rei Cintolo de Mondoñedo con 20.000 euros; na escavación arqueolóxica e posta en valor do Castro de Arxeriz no Saviñao con 28.000 euros; e na recuperación da antesala da sauna castrexa do Castelón –cualificada de “punteira en Galicia”–, no Concello da Fonsagrada, con outros 42.000 euros.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...