Un bebé faleceu no centro de saúde de Vilalba tras unha parada cardiorrespiratoria

A nai levou a nena, de pouco máis dun ano, ata as instalacións sanitarias, onde tentaron reanimala, sen éxito.

Centro de saúde de Vilalba | Páxinas Galegas

EFE | Unha nena, un bebé de pouco máis dun ano, faleceu onte no centro de saúde de Vilalba, despois de que a súa nai a achegase ás instalacións sanitarias da localidade en estado moi grave, en parada cardiorrespiratoria.

Segundo informa na súa edición deste martes o diario El Progreso, este suceso produciuse sobre as dúas da tarde, cando a nai da menor se presentou no Centro de Saúde da localidade para pedir axuda.

Os médicos e sanitarios que estaban nese momento no centro trataron de reanimar a nena e mesmo se mobilizou a unha ambulancia medicalizada para trasladala ao hospital, pero ao final só puideron certificar o seu falecemento. Ata o lugar trasladouse a xuíza de Vilalba para proceder ao levantamento do cadáver.

Á espera de que a autopsia determine a causa da morte, os primeiros indicios apuntan a que o deceso se produciu por motivos naturais.

DEIXAR UN COMENTARIO

Please enter your comment!
Please enter your name here