Antía Cal, a renovadora do ensino con orixes en Muras, recibe o premio Otero Pedrayo

Con orixes en Muras e intensa conexión coa Chaira, tivo un papel indispensable nas novas correntes da pedagoxía e a recuperación do ensino en galego

Antía Cal con Valentín García, secretario xeral de Política Lingüística da Consellería de Cultura | Xunta de Galicia
Antía Cal con Valentín García, secretario xeral de Política Lingüística da Consellería de Cultura | Xunta de Galicia

A renovación na metodoloxía e o compromiso de Antía Cal coas novas xeracións marcaron o camiño para outras institucións educativas, herdeiras da sensibilidade polo galego e a conciencia cultural propia. Este labor é recoñecido co Otero Pedrayo, galardón creado en 1977 e dotado con 16.000 euros, promovido pola Xunta de Galicia e mailas catro deputacións provinciais.

Naceu na Habana (1923), sendo a familia de Muras, e volveu a Galicia sendo aínda cativa. Antía Cal medrou en Vigo, mantendo un intenso contacto coa chaira, referencia identitaria e parte fundamental na súa educación. En 1961 fundou, canda o seu home, o galeguista Antón Beiras, o Colexio Rosalía de Castro da cidade olívica.

Antía Cal é a segunda muller en recibir este premio, que comparte neste 2018 con María Xosé Queizán. Esta mestra natural de Vigo (1939) comezou na década dos cincuenta unha ampla traxectoria de compromiso co galego, que desenvolveu en múltiples xéneros, no ensaio e na traducción. Mais, ante todo, Queizán é unha activista polos dereitos da muller, sendo pioneira do movemento feminista en Galicia.

DEIXAR UN COMENTARIO

Please enter your comment!
Please enter your name here