O Camiño podería ter un novo centro de interpretación en Guitiriz

Javier Losada visita Guitiriz para "axilizar" actuacións relacionadas co Camiño.

Camiño de Santiago | Imaxe de arquivo

O delegado do Goberno en Galicia, Javier Losada, comprometeuse este venres en Guitiriz (Lugo) a axilizar diversas actuacións nese municipio vinculadas coa seguridade viaria, a situación dun carreiro do Camiño de Santiago e os trámites do Plan Xeral de Ordenación Municipal (PXOM).

Acompañado pola subdelegada do Goberno en Lugo, Isabel Rodríguez, durante a visita Javier Losada percorreu o tramo da nacional VI no municipio e abordou xunto á alcaldesa, Regina Polín, actuacións como a mellora no carreiro do Camiño de Santiago entre Baamonde e San Alberte.

Tamén trataron a posible cesión da casa de peóns camiñeiros en Roca para convertela nun Centro de Interpretación dos Camiños. Con respecto á seguridade viaria, comprometeuse a estudar a posibilidade de construír pasos peóns máis seguros, á vez que se arranxa o tramo urbano da Nacional VI, que contará con beirarrúas.

O delegado do Goberno, que estivo na casa consistorial para asinar o libro de ouro, interesouse tamén pola situación da PXOM, iniciado en 2004 e aínda pendente de aprobación.

DEIXAR UN COMENTARIO

Please enter your comment!
Please enter your name here