InicioEconomíaO dron Lua proba en Rozas a tecnoloxía galega para a loita...

O dron Lua proba en Rozas a tecnoloxía galega para a loita contra o lume

Os compoñentes do helicóptero non tripulado Lua o converten no único sistema da súa clase en poder operar en todos os espectros de visibilidade

PUBLICADA O

- Advertisement -

O Centro de Investigación Aeroportada de Rozas (CIAR), en Castro, avanza no deseño de sistemas autónomos de loita contra o lume. Este mércores, unha comitiva da Xunta de Galicia asistiu á demostración do dron Lua, plataforma desenvolvida por Babcock, que emprega a tecnoloxía galega Einforex FF para procesar en tempo real imaxes no espectro visible e infravermello. Estas capacidades para o seguimento dos lumes nun vehículo deste tamaño o converten en único no mercado.

O Lua é o irmán pequeno do Lumes. Estas aeronaves non tripuladas son, canda o Targus de Indra e Gaerum, as primeiras en empregar as instalacións da base de Rozas. Fontes do executivo autonómico sinalan a importancia do Einforex, desenvolvido coa participación da empresa lucense Veoline, as corporacións galegas Soldatec, Itmati, Coremain e Cinfo, e a catalá Pildo. Este sistema, probado por vez primeira a bordo do Lua, “abrirá un mundo de posibilidades” na información de emerxencias. 

Tal e como sinalou o conselleiro de Economía, Francisco Conde, este proxecto “resume o espírito do polo aeroespacial” ao consolidar a alianza entrea empresa tractora (Babcock) e as empresas locais “para chegar a mercados internacionais” con solucións realizadas en Galicia para un problema global coma os lumes forestais. 

A Xunta subliña que o polo aeroespacial leva mobilizados 50 millóns de euros dos 165 previstos. En 2019 contará cun investimento de 18,1 millóns para seguir co avance de iniciativas no parque industrial, a aceleradora aeronáutica e a nova aula formativa de Rozas.

 

A aterraxe de Boeing en Rozas vén da man doutros dous proxectos

 

 

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...