Falece o condutor do turismo que colisionou contra un camión en Begonte

A colisión dun camión e un turismo rexistrada no termo municipal de Begonte provocou a morte de J.O.S., un home de 58 anos

Accidente mortal en Begonte | CRTVG
Accidente | CRTVG

Un home perdeu a vida a consecuencia da colisión entre o turismo que conducía e un camión na estrada que conecta Rábade e Vilalba. O suceso produciuse no termo municipal de Begonte, á altura de Ladra, contra as 12.55 horas, cando o vehículo de menor identidade atravesou a separación entre os dos carrís.

A Garda Civil de Lugo informou de que o accidente rexistrado no quilómetro 10 da LU-541  implicou a dúas persoas. A primeira, que conducía un turismo, faleceu no lugar e tivo que ser excarcerada. Mellor sorte tivo o condutor do camión, que pediu a alta voluntaria ás asistencias sanitarias.

Os Bombeiros de Vilalba tiveron que intervir para sacar do vehículo a J.O.S., varón de 58 anos de idade que perdeu a vida no impacto. Ata Begonte foron desprazados un equipo sanitario de Atención Primaria e a ambulancia asistencial do 061, a Garda Civil de Tráfico, Policía Local e Protección Civil.

DEIXAR UN COMENTARIO

Please enter your comment!
Please enter your name here