Aprazado doce meses o xuízo contra o xogador de veteranos de Abadín, para o que a Fiscalía pide tres anos e medio por agredir a un árbitro

A Sección Segunda da Audiencia Provincial de Lugo suspendeu o xuízo previsto para o día 2 de maio, contra un home que supostamente propinou unha puñada na boca a un árbitro de fútbol, pola folga na Xustiza

Final do Campionato Galego de Veteranos 2017 | Federación Galega de Fútbol

Segundo relata a Fiscalía no seu escrito de acusación, recollido por Europa Press, os feitos ocorreron sobre as 17,00 horas do 11 de xaneiro de 2014, cando o acusado F.C.C. xogaba un partido de fútbol de veteranos na localidade de Abadín, comarca de Terra Chá.

O árbitro sacou un cartón amarelo ao acusado, momento no que este lle propinou “unha forte puñada na boca”, sostén o Ministerio Público, causándolle “lesións consistentes” para as cales precisou, ademais dunha primeira asistencia, tratamento odontolóxico.

A Fiscalía considera ao home procesado autor dun delito de lesións, polo cal solicita tres anos e seis meses de prisión e unha indemnización de 2.500 euros. Porén, a causa permanece en suspenso por mor da folga da Xustiza, que obrigou a trasladar a vista ata o 23 de maio de 2019, cinco anos despois do incidente.

DEIXAR UN COMENTARIO

Please enter your comment!
Please enter your name here