InicioEconomíaA Pastoriza ofrece tres novos postos de traballo a través de DepuEmprego

A Pastoriza ofrece tres novos postos de traballo a través de DepuEmprego

Os interesados deberán estar inscritos como demandantes de emprego no INEM e contan ata o 10 de setembro de prazo para enviar as solicitudes ao Concello da Pastoriza

PUBLICADA O

- Advertisement -

A deputada de Promoción Económica e Social, Sonsoles López Izquierdo, anunciou este xoves que xa está aberto o prazo para participar nos procesos de selección de 5 novos postos de traballo do DepuEmprego, o programa de creación de emprego da Deputación para Concellos de menos de 20.000 habitantes. Neste caso, trátase de 2 postos de peón no Concello de Triacastela, e outros 3 postos na mesma categoría profesional no da Pastoriza. O requisito indispensable para poder optar a unha destas prazas é o de estar apuntado como demandante de emprego no INEM.

Para concorrer a calquera dos postos, as persoas interesadas que desexen participar no proceso de selección deberán enviar as súas solicitudes ata o vindeiro 10 de setembro, no caso dos postos ofertados polo Concello da Pastoriza; e ata o 12 de setembro, para facer a súa demanda no Concello de Triacastela.

Os interesados deberán dirixirse aos correspondentes Concellos para os trámites de concorrencia, pois son os encargados de levar a cabo os procesos de selección dos candidatos, que comezarán tras o peche de recepción de solicitudes. Máis información no BOP, no taboleiro de anuncios do Concello correspondente e no banner de emprego da páxina web da Deputación www.deputacionlugo.gal.

No último ano, o Goberno da Deputación financiou un total de 308 postos de traballos en 66 Concellos da provincia. Isto foi posible mercé a un investimento de 3,5 millóns de euros, distribuídos en base a criterios de obxectividade. 

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...