A xeografía galega ínzase de concentracións de repulsa contra o crime machista da Pastoriza

Colectivos feministas convocaron manifestacións para a tarde deste luns 27 de xaneiro.

Concentración ás portas da Subdelegación do Goberno en Lugo en sinal de repulsa polo crime machista da Pastoriza.

As principais institucións de Galicia expresaron a súa repulsa polo crime machista da Pastoriza, onde un home de 82 anos matou a súa muller, de 79. É o primeiro feminicidio en Galicia no que vai de ano e o sexto en España.

Na mañá deste luns, rexistráronse concentracións por toda a xeografía galega para condenar tales feitos: gardáronse minutos de silencio no Parlamento, na Xunta de Galicia, na delegacións do Goberno, deputacións provinciais e principais consistorios galegos. En Lugo, ás portas da Subdelegación do Goberno, tamén se xuntaron diferentes representantes para mostrar “solidariedade” á familia e amigos da Pastoriza.

Ademais, tamén os colectivos feministas convocaron concentracións para esta tarde deste luns para reclamar o fin da violencia de xénero.

Podes ler a información completa no Galicia Confidencial.

DEIXAR UN COMENTARIO

Please enter your comment!
Please enter your name here