InicioTerra CháCospeitoDetidos tres veciños de Cospeito tras darse á fuga nun control policial

Detidos tres veciños de Cospeito tras darse á fuga nun control policial

Atopáronlles obxectos roubados en Ferrol e As Pontes.

PUBLICADA O

- Advertisement -

A Garda Civil do Posto das Pontes, en colaboración co Destacamento de Tráfico de Ferrol, detivo a tres homes veciños de Cospeito como presuntos autores de dous delitos de furto tras fuxir dun control. Segundo relatou o Instituto Armado, os feitos sucederon cando unha patrulla do Destacamento de Tráfico da Garda Civil de Ferrol realizaba un punto de verificación de alcol e drogas na estrada AC-119, no termo municipal coruñés de de As Pontes.

Os efectivos actuantes procederon a darlle o alto a un vehículo que se aproximaba á súa posición, co fin de someter ao seu condutor ás probas de detección do consumo de alcol e drogas. Entón, relatan as mesmas fontes, o condutor do turismo fixo caso omiso das indicacións realizadas para que detivese o vehículo e aumentou “bruscamente” a velocidade, polo que os gardas civís actuantes iniciaron o seguemento.

Tras percorrer aproximadamente un quilómetro, o vehículo realizou un “xiro brusco”, destaca a Benemérita, á dereita e abandonou a vía por unha pista asfaltada. Posteriormente, detívose aos poucos metros e iniciaron os seus ocupantes a fuxida do lugar á carreira, polo que foron perseguidos polos gardas civís que lograron darlles alcance e inmobilizalos.

EFECTOS SUBTRAÍDOS

Unha vez inmobilizados, os compoñentes da patrulla trasladaron este tres persoas ás proximidades do turismo e procederon ao rexistro do vehículo, en cuxo interior localizaron unha carteira que contiña documentación dunha muller, 158 euros en metálico e un terminal de telefonía móbil, efectos que figuraban como subtraídos do interior dun vehículo na localidade das Pontes.

Tamén acharon o DNI, o cartón sanitario e dous cartóns de crédito a nome doutra muller, efectos que figuraban como subtraídos na localidade de Ferrol. Por todo iso, a Garda Civil procedeu á detención deste tres individuos, veciños da poboación lucense de Muimenta, en Cospeito, como presuntos autores de dous delitos de furto e á incautación dos efectos atopados. Os detidos en relación con estes feitos, xunto coas actuacións realizadas e os efectos incautados, foron postos a disposición do xulgado de garda de Ferrol.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...