Os Bombeiros de Vilalba traballan arestora na exinción do incendio dunha palleira no concello chairego de Xermade. O lume está controlado, mais o gran volume de herba seca almacenada complica as tarefas ata o punto de que o dispositivo permanece activo.
Iniciado pasadas as 9.30 horas deste luns no lugar de Reboxento, parroquia de Piñeiro, o incendio acadou así mesmo a ferramentas e outro material gardado no interior da palleira.
Segundo informaron os servizos de emerxencia, foi un particular o que deu a alerta ao Centro Integrado de Atención ás Emerxencias. Dende o 112 avisaron ao corpo de extinción comarcal de Vilalba, á Garda Civil, aos efectivos do Grupo de Extinción Supramunicipal de Guitiriz, e á Protección Civil da localidade.
A dificultade para combater o lume da palleira fixo que os Bombeiros do Eume compareceran en Xermade para prestar apoio.
A palleira afectada atópase preto dun cortello e mais unha vivenda, aínda que os Bombeiros de Vilalba aseguran que ninguén resultou ferido a consecuencia do incendio.
![[Arquivo] Dispositivo de Tráfico | Garda Civil](http://lugoxornal.gal/wp-content/uploads/2019/01/2018_9_15_52015s740x-218x150.jpg "O 45% dos feridos graves en accidentes en Lugo durante os dous últimos anos son peóns, ciclistas e motoristas")
![[Arquivo] Dispositivo de Tráfico | Garda Civil](http://lugoxornal.gal/wp-content/uploads/2019/01/2018_9_15_52015s740x-100x70.jpg "O 45% dos feridos graves en accidentes en Lugo durante os dous últimos anos son peóns, ciclistas e motoristas")