InicioSociedadePremio ao mellor pastor eléctrico de Galicia

Premio ao mellor pastor eléctrico de Galicia

O galardoado foi Amaro López Rivero, un veciño de Baleira que xestiona 36 hectáreas de pradeiras e terreos de monte para alimentar a 38 vacas e 5 cabalos.

PUBLICADA O

- Advertisement -

O premio ION-SGPF ao mellor peche eléctrico do 2018 entregarase este venres 28 de xuño, ás 21:00 na Casa da Cultura do Concello da Pastoriza.

Esta nova convocatoria retoma o espírito de antigas edicións na procura dunha mellor xestión das superficies forraxeiras grazas ao emprego de peches electrificados, hoxe en día a mellor ferramenta de gandeiros e gandeiras para a xestión do pastoreo do gando. A empresa luguesa ION, fundada por Daniel López González leva décadas adicada á fabricación de pastores eléctricos e material para realizar peches electrificados e pretende deste xeito fomentar o bo uso destas ferramentas indispensables para o manexo do gando.

O premiado nesta convocatoria 2018 foi Amaro López Rivero, veciño da parroquia de Córneas, no concello lugués de Baleira. “Dende a SGPF queremos destacar o labor deste gandeiro de vacún de carne en extensivo que xestiona 36 hectáreas de pradeiras e terreos de monte para alimentar a 38 vacas e 5 cabalos”, contan na empresa.

O seu traballo na recuperación de terreos pobres, co manexo do gando e a presión do pastoreo grazas ao correcto emprego de peches electrificados foi “un exemplo” na súa contorna para mostrar o que se pode facer para transformar as superficies abandonadas en prados e pradeiras. A gandería está integrada exclusivamente con gando da raza Vianesa e conta con máis de 13 km de peches.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...