O Corpo Nacional de Policía investiga as causas da morte dunha xove que caeu por un patio interior na Ronda da Muralla. O suceso produciuse contra as dez da mañá deste xoves, conducindo a un importante despregamento de Bombeiros de Lugo, Policía Local, Policía Nacional e mailo 061. Os servizos de emerxencias non puideron facer nada pola súa vida, debido á gran altura dende a que se precipitou.
O sitio, fronte á Porta de San Fernando, pasando a confluencia entre a Ronda da Muralla e a Avenida da Coruña, fica acordoado mentres os axentes realizan as pescudas. Segundo fontes da investigación, no interior do piso estaba a parella da muller falecida.