InicioLugo e contornaLugoInvestigan un lucense que vendía recambios falsos para móbiles por internet

Investigan un lucense que vendía recambios falsos para móbiles por internet

Sorprendérono con material por valor de 21.000€.

PUBLICADA O

- Advertisement -

A Garda Civil imputou en calidade de investigado a un veciño de Lugo de 44 anos de idade como presunto autor dun delito contra a propiedade industrial pola venda de material de telefonía falsificado valorado en máis de 21.700 euros.

Segundo informou o Instituto Armado, a través da denuncia presentada por un representante de varias marcas de compoñentes electrónicos por un suposto delito contra a propiedade industrial e intelectual, tivo coñecemento de que unha páxina web ofrecía compoñentes electrónicos de reparación de telefonía que puidesen ser falsificacións das orixinais.

Na fase de investigación este feito confírmase “a través dunha mostra comprada a modo de cata e peritada polo experto da organización que representa ás marcas implicadas”, destaca a Benemérita. Tras as investigacións levadas a cabo pola Unidade de Fiscal e Fronteiras da Comandancia da Garda Civil de Lugo, a cal ten encomendada un labor para a prevención neste tipo de fraudes e falsificacións, púidose pescudar que a citada páxina web “opera a través dunha empresa con domicilio social na capital lucense”, engaden as mesmas fontes.

Na citada dirección, despois de varios servizos realizados por esta unidade da Garda Civil, púidose comprobar que “se exercía actividade que podía corresponder coa xestión da citada venda en liña”, apuntan as mesmas fontes. Así, unha vez realizadas as investigacións accedeuse ao local cun perito acreditado, representante das marcas interesadas, onde se interveu material falsificado de telefonía composto por 11 dixitalizadoras tablet, 26 dixitalizadoras móbiles, 228 carcasas de móbil, 202 cristais móbil e 75 baterías.

A iso engádense 39 pantallas dixitalizadoras, 66 traseiras de móbil, 11 cristais móbil e 15 baterías, así como 65 carcasas traseiras, cinco baterías e 67 compoñentes reparación móbil. Todo iso supón un total de 810 artigos cunha valoración pericial de 21.716 euros. Todo iso foi intervido e posto a disposición do xulgado de Instrución de garda de Lugo.

ROUBO POR 15.000€ NUNHA GRANXA

A Garda Civil detivo a tres veciños de Lugo de 23, 41 e 42 anos de idade como presuntos autores dun delito de roubo con forza nas cousas pola subtracción de material valorado nuns 15.000 euros nunha granxa da localidade luguesa de Palas de Rei.

Segundo informou a Garda Civil, os feitos tiveron lugar nunha granxa situada na localidade lucense de Palas de Rei, na que, tras forzar unha xanela para acceder ao interior, subtraeron diverso material metálico valorado en 15.000 euros.

Froito da investigación, logrouse recuperar todo o material subtraído e ser posto a disposición do seu lexítimo propietario, resaltaron as mesmas fontes. Pola súa banda, as persoas detidas en relación con estes feitos foron postas a disposición xudicial.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...