InicioSucesosUn condutor reincidente citado a dous xuízos por ter o carné retirado...

Un condutor reincidente citado a dous xuízos por ter o carné retirado e triplicar a taxa de alcoholemia

As intervencións policiais levaron a que este individuo deba comparecer o mesmo día para a celebración de dous xuízos rápidos distintos, nos que se determinará a responsabilidade penal derivada da suposta comisión de dous delitos contra a seguridade viaria.

PUBLICADA O

- Advertisement -

Un condutor reincidente foi citado a dous xuízos rápidos por delitos contra a seguridade viaria tras ser interceptado en Lugo en dúas ocasións ao volante coa carne retirado pola perda dos puntos, nunha delas, ademais, triplicou a taxa máxima de alcoholemia permitida.

Segundo informou a Policía Local de Lugo, sobre as 4,15 horas do pasado 22 de xullo debido a unha infracción de tráfico unha patrulla detivo un home de 40 anos de idade cando circulaba como condutor dun vehículo de motor e constataron que se trataba dun “multirreincidente” en delitos contra a seguridade viaria.

Os axentes constataron que circulaba a pesar de perder a vixencia do carné de conducir pola perda total de puntos e obtivo positivo nas probas de alcoholemia, nas que triplicou a taxa máxima permitida.

Por iso, por parte da Unidade de Atestados procedeuse a citalo como investigado como presunto autor dun delito contra a seguridade viaria, así como ao titular do turismo que conducía como cooperador necesario. Por iso, tramitáronse dilixencias ante o xulgado de garda na modalidade de xuízo rápido.

Este mesmo condutor foi detido o pasado 10 de xullo cando circulaba por dirección prohibida na rúa Montirón, niso caso investigado como autor de tres suposto delitos contra a seguridade viaria por negativa a someterse á proba de alcoholemia, conducir baixo os efectos de bebidas alcohólicas e conducir co carné retirado por perda de puntos.

Así mesmo, o pasado 16 de xuño foi sorprendido cando conducía sen ter permiso por perder todos os puntos asignados, polo que se lle instruíron dilixencias como investigado por autor dun delito contra a seguridade viaria. Tamén usara o mesmo vehículo que nos dous casos anteriores.

As intervencións policiais, destacaron as mesmas fontes municipais, dos días 10 e 22 de xullo levaron a que este individuo deba comparecer o mesmo día para a celebración de dous xuízos rápidos distintos, nos que se determinará a responsabilidade penal derivada da suposta comisión de dous delitos contra a seguridade viaria.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...