Varios mozos, entre eles unha menor de 15 anos, foron identificados por participar nun botellón no parque de Rosalía de Castro (Lugo) na tardiña do pasado 5 de xaneiro. Disto deu conta a Policía Local, que estableceu diferentes dispositivos para o control das normas fronte á crise sanitaria.
Por outra banda, na madrugada do 6 de xaneiro, axentes da Policía Local desprazáronse a dous pisos por queixas de veciños sobre ruídos que lles impedían descansar.. En ambos os casos, levantouse denuncia por infracción á ordenanza de protección ambiental.
