InicioSucesosVinte sancións nun só día por incumprimento das restricións en Lugo

Vinte sancións nun só día por incumprimento das restricións en Lugo

A Policía Local tamén notifica o caso de cinco persoas que fuxiron pola porta traseira dun bar cando os axentes ían acceder ao interior.

PUBLICADA O

- Advertisement -

EFE | Axentes da Policía Local de Lugo estableceron onte, día 23 de novembro, diferentes filtros de seguridade na cidade para garantir o cumprimento das restricións e tramitaron nunha soa xornada 20 denuncias.

En concreto, os axentes da Policía Local tramitaron nove denuncias relacionadas con tantos condutores que pretendían entrar ou saír da cidade sen unha causa debidamente xustificada, a pesar de que o municipio se atopa pechado perimetralmente por orde das autoridades sanitarias.

Tamén denunciaron a outras cinco persoas que estaban reunidas nun lugar público, a pesar de que eses encontros están prohibidos no municipio para persoas que non convivan na mesma casa.

Ademais, os axentes denunciaron a outras cinco persoas que non facían uso da obrigatoria máscara pola vía pública.

A POLICÍA CHEGA AO BAR E OS CLIENTES ESCAPAN

Os axentes tamén denunciaron ao propietario dun local de hostalería na rúa Fermín Rivera, no Polígono do Ceao, en cuxo interior había varias persoas, a pesar de que a porta de acceso estaba pechada. O propietario díxolles aos axentes que eran uns amigos, pero cando os policías ían acceder ao interior do establecemento, esas persoas marcharon por unha porta interior.

Os axentes comprobaron que sobre a mesa na que estaban había bebidas que, supostamente, estaban a consumir. O responsable do local tamén foi sancionado por non levar máscara.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...