A Policía Local de Lugo denunciou a un home por queimar máscaras na vía pública, así como uns taboleiros na capital luguesa.
Segundo informou a Policía Local, sobre as 20,30 horas do pasado 15 de setembro unha patrulla da Unidade Territorial de Policía de Barrio observou como na rúa Vicente Risco un home queimaba máscaras e uns taboleiros en vía pública.
As mesmas fontes municipais destacaron que este lume corría risco “de propagarse a uns sebes dunha leira propiedade da Xunta” próximos ao incendio.
Por iso, procedeuse a sufocar o lume e identificouse ao responsable do mesmo, ademais de tramitar acta de infracción.