Propostos para sanción tres cazadores interceptados nunha pista forestal de Lugo

Armas intervidas nunha pista forestal entre os termos municipais de Lugo e O Corgo. GARDA CIVIL

A Garda Civil propuxo para sanción a tres persones que circulaban nun vehículo todo terreo por unha pista forestal situada entre os termos municipais de Lugo e O Corgo por supostas irregularidades na lei de caza.

Segundo informa a Benemérita, os ocupantes do vehículo, presuntamente, ocultaban debaixo do asento do condutor unha escopeta desenfundada e desmontada. Tamén se localizaron na guanteira cinco cartuchos de munición e un cartucho de postas (munición prohibida).

Os axentes procederon a intervir a arma e a munición por irregularidades en materia da lei de caza de Galicia e ao regulamento de armas, quedando depositada a escopeta na intervención de armas da Garda Civil de Lugo a disposición da autoridade competente.