InicioSucesosBuscan a un veciño de Lugo acusado de agredir á súa muller...

Buscan a un veciño de Lugo acusado de agredir á súa muller durante unha discusión

PUBLICADA O

- Advertisement -

A Policía Local de Lugo busca a un home por supostamente agredir á súa muller durante o transcurso dunha discusión producida na xornada do domingo no seu domicilio.

Nun comunicado, o Concello de Lugo informou de que ás 12,12 horas do domingo a Policía Local recibiu unha chamada na que se alertaba de que unha muller estaba a ser agredida nun inmoble situado na rúa Julia Minguillón.

Unha vez en lugar, os policías atoparon á muller sentada no portal da vivenda, chorando e sangrando por unha man. A vítima, que presentaba varias lesións, explicou que fora agredida polo seu marido, que marchou do domicilio.

Tras iso, os axentes activaron o protocolo para asistencia de vítimas de violencia de xénero e trasladaron á muller a un centro sanitario, acompañada por unha patrulla policial. Ademais, activouse un dispositivo de procura do presunto autor polas inmediacións do domicilio sen que, inicialmente, fose localizado. Os axentes instruíron dilixencias para pór o ocorrido en coñecemento do Xulgado especializado en violencia de xénero.

AGRESIÓN NA VÍA PÚBLICA

Por outra banda, ás 18,02 horas do domingo, a Policía Local tamén recibiu o aviso de que un home estaba supostamente agredindo a unha muller na rúa Lamas de Prado.

Segundo informou o Concello, os denunciantes explicaron que o home lle pegou na cara cun teléfono móbil e que, despois diso, ambas as persoas abandonaran o lugar en direccións opostas. Tras iso, aínda que a muller non puido ser localizada, os axentes conseguiron atopar ao home nunhas galerías comerciais na rúa A Xesta, onde comprobaron que presentaba síntomas de embriaguez e mostraba dificultades para manter o equilibrio.

O home asegurou que discutira cun amiga pero sen chegar á agresión física. Ante iso, a Policía Local procedeu a confeccionar o oportuno informe, á espera dunha posible denuncia da muller afectada.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...