Piden cinco anos de cadea para unha muller que estafou máis de cen mil euros á persoa que coidaba

A Fiscalía solicita cinco anos de cárcere para unha muller acusada de estafar á persoa que coidaba máis de 135.000 euros aproveitándose das limitacións cognitivas e psíquicas que tiña a vítima, quen, no momento dos feitos, non tiña recoñecida unha incapacidade que lle foi concedida despois.

Xulgados | Arquivo

A Fiscalía solicita cinco anos de cárcere para unha muller acusada de estafar á persoa que coidaba máis de 135.000 euros aproveitándose das limitacións cognitivas e psíquicas que tiña a vítima, quen, no momento dos feitos, non tiña recoñecida unha incapacidade que lle foi concedida despois.

O xuízo terá lugar na Audiencia Provincial de Lugo o vindeiro venres 19 de xuño, cando a acusada se enfrontará a un delito continuado de estafa polo que o Ministerio Público reclama cinco anos de prisión e unha multa de 36.000 euros.

Os feitos, rexistrados en Vilalba (Lugo), remóntanse ao ano 2016, cando a procesada foi contratada para traballar como coidadora dunha persoa con alteracións nas súas funcións psíquicas superiores, da memoria, intelixencia e orientación; algo que a agora acusada coñecía a pesar de que ata decembro dese ano non foi emitida a declaración de incapacidade para a vítima.

Segundo o escrito de Fiscalía, a acusada aproveitábase da vulnerabilidade da persoa ao seu cargo para levala a unha entidade bancaria e que retirase importantes sumas de diñeiro para entregarllas á súa coidadora.

A procesada levaba no seu vehículo á vítima e convencíaa para que lle entregase diñeiro. Esta operación realizouna en varias ocasións, segundo Fiscalía, que cifra o total de diñeiro estafado en máis de 135.000 euros

DEIXAR UN COMENTARIO

Please enter your comment!
Please enter your name here