Unha fuga de gas nunha vivenda de Vilalba provocou que os inquilinos do inmoble necesitasen asistencia médica no lugar, aínda que non tiveron que ser trasladados.

Segundo informa o 112 Galicia, sobre as 16:30 horas os bombeiros dirixíronse ao domicilio do lugar de Vilamartín, onde comprobaron que había un mando da vivenda que estaba aberto.  Alí, cortaron a subministración, airearon o domicilio e bloquearon a enerxía eléctrica para evitar máis problemas.

O operativo activouse tras recibir o 112 Galicia a chamada dun veciño que solicitaba asistencia médica urxente, posto que dentro da casa había persoas dependentes. Tamén foi necesaria a colaboración dos axentes da Garda Civil e voluntarios de Protección Civil da localidade.

E.P.

+ postsBio ⮌

• E.P.

  CC.OO. reclama máis seguridade tras a morte de dous operarios na A-8 nunha concentración en Lugo
• E.P.

  A neve volta a Lugo por riba dos 700 metros
• E.P.

  A Deputación de Lugo destaca o investimento na Avenida Infanta Elena: “Abrimos Lugo”
• E.P.

  O PP de Lugo denuncia a “paralización” da A-56 e reprocha ao Goberno que non achegue prazos