“Eu fago deporte cando quero, non teño por que respectar ningunha norma”… A resposta dun corredor á Policía

A Policía Nacional denuncia en Lugo un bar por estar en funcionamento con clientes.. POLICÍA NACIONAL

Axentes do Corpo Nacional de Policía detiveron a un veciño de Lugo, natural de Outeiro de Rei e de 36 anos de idade, por facer deporte na cidade fóra da franxa horaria establecida para a xente da súa idade.

Axentes da Policía Nacional parárono ao once da mañá na zona da Medusa, na parte norte da cidade de Lugo, ao ver que estaba a practicar deporte en plena rúa ás once da mañá.

O agora detido, díxolles que practicaba deporte á hora que tiña por costume facelo e que non se sentía obrigado a respectar ningunha norma. Por iso, foi denunciado por incumprir o estado de alarma.

Con todo, ao comprobar que o individuo seguía coa súa actividade, os axentes cominárono a depor inmediatamente a súa actitude, pero o home exhibiu en todo momento unha actitude “despectiva e irrespetuosa cara aos axentes”. Por iso, ante a “reiteración na desobediencia do estado de alarma”, o home foi finalmente detido e trasladado á Comisaría Provincial, á espera de que pase a disposición xudicial nas próximas horas.

DEIXAR UN COMENTARIO

Please enter your comment!
Please enter your name here