Un home resultou ferido en Baralla tras envorcar o tractor que conducía

Presentaba lesións nunha perna e nunha cadeira.

Imaxe de arquivo dunha unidade medicalizada do 061 | Sergas

Un home resultou ferido este mércores tras envorcar co seu tractor no municipio de Baralla mentres traballaba nunha leira próxima ao cemiterio de San Vitorio.

Segundo informaron desde o 112, o propio ferido contactou co servizo de emerxencias sobre as 16:00 horas para pedir asistencia médica urxente por mor dunha posible fractura de perna.

Así, informouse da situación ao 061, GES de Becerreá e a efectivos da Garda Civil. O persoal sanitario puido atender a vítima, que non se atopaba atrapada, no lugar dos feitos. Posteriormente, foi trasladado ao centro hospitalario por presentar lesións nunha perna e na cadeira.